08/08/2022

 ഇന്ന് മുഹറം മാസത്തെ നോമ്പിൻറെ അവധിയായിരിക്കും എന്നാണ് കരുതിയത് പക്ഷേ നാളത്തേക്ക് അവധി മാറ്റിവയ്ക്കുകയാണ് ഉണ്ടായത് ഗവൺമെൻറ് നിർദ്ദേശം ഇന്നലെയാണ് അറിഞ്ഞത്.എന്തായിരുന്നാലും അത് കാര്യമായി കാരണം മഴയെ തുടർന്നുള്ള അവധിയാല്‍ എനിക്ക് കഴിഞ്ഞ ആഴ്ചയിലെ ബുധനാഴ്ചത്തെ എട്ടാം ക്ലാസിന്റെ ക്ലാസ് നഷ്ടമായിരുന്നു അവർക്കാണ് മൂന്ന് പാഠഭാഗം പൂർത്തിയാക്കേണ്ടത് എങ്ങനെയാണ് ഓഗസ്റ്റ് 24ന് മുമ്പ് അത്രയും പൂർത്തിയാക്കുക എന്നത് എനിക്ക് തന്നെ അറിയാത്ത കാര്യമാണ്. ഇന്നും കൂടി അവധിയായിരുന്നുവെങ്കിൽ ആ ക്ലാസും നഷ്ടപ്പെട്ടേനെ നഷ്ടപ്പെട്ട ക്ലാസുകൾ ഒന്നും പകരം കിട്ടുകയുമില്ല പിന്നെന്തു ചെയ്യാനാണ്. എന്തായിരുന്നാലും ഇന്ന് എനിക്ക് കുറച്ചു പാഠഭാഗം അവിടെ പൂർത്തീകരിക്കുവാൻ സാധിച്ചു. ഇവിടെയുണ്ടായിരുന്ന രണ്ട് ബയോളജി അധ്യാപികമാരിൽ ടെമ്പററി ആയി വർക്ക് ചെയ്തിരുന്ന പാർവതി എന്ന അധ്യാപിക ഇന്ന് അവരുടെ കാലാവധി പൂർത്തിയാക്കി പിരിഞ്ഞു പോവുകയാണ് പകരം ഒരു അധ്യാപകൻ കരകുളം ഹയർ സെക്കൻഡറി സ്കൂളിൽ നിന്നും ട്രാൻസ്ഫർ വാങ്ങി ഇവിടേക്ക് വരുന്നതായി അറിഞ്ഞു.പുതിയ ടൈം ടേബിളും ഞങ്ങൾക്ക് കിട്ടി. തുടർന്ന് ശ്രീ രേഖ ടീച്ചറുടെ കീഴിൽ ഉണ്ടായിരുന്ന ഞാൻ വരുന്ന സാറിൻറെ കീഴിലും പാർവതി ടീച്ചറിന്റെ കീഴിൽ ഉണ്ടായിരുന്ന ബിജി ശ്രീ രേഖടീച്ചറിന്റെ കീഴിലും മാറി.

06/08/2022- weekly report

 The majority of days in this week was holidays because of heavy rain.

04/08/2022- Ancy miss (our general teacher for class observation ) visit our school, government girls higher secondary school pattam

05/08/2022- 9A - absorption of food from the chapter food through digestive system.

05/08/2022

 ഇന്ന് ഷൈനി മിസ് ഒബ്സർവേഷന് വേണ്ടി സ്കൂളിലെത്തി. അവിചാരിതമായിട്ടായിരുന്നു ടീച്ചറുടെ സന്ദർശനം.  എനിക്കിന്ന് മലയാളം മീഡിയത്തിൽ ആയിരുന്നു ക്ലാസ് ഉണ്ടായിരുന്നത്.നന്നായി എടുക്കാൻ പറ്റിയെന്ന് തന്നെ വിചാരിക്കുന്നു. നല്ല അഭിപ്രായമായിരുന്നു ടീച്ചർ എൻറെ ഒബ്സർവേഷൻ നോട്ടിൽ എഴുതിയെങ്കിലും അടുത്ത് വരുമ്പോൾ എട്ടാം ക്ലാസിന്റെ ഇംഗ്ലീഷ് മീഡിയം ക്രിയേറ്റീവ്  ക്ലാസ്കാണണമെന്ന് അഭിപ്രായപ്പെട്ടുകൊണ്ട് ടീച്ചർ പോയി.

ഇന്ന് ഉച്ചയോടുകൂടി പോലീസുകാർ അവതരിപ്പിച്ച തീക്കളി എന്ന ഒരു നാടകം സ്കൂളിൽ അരങ്ങേറി.

04/08/2022

 തുടർച്ചയായുള്ള രണ്ട് മഴ അവധികളെ കഴിഞ്ഞ് ഇന്ന് സ്കൂളിൽ പ്രവർത്തി ദിനമാണ്.പക്ഷേ വ്യാഴാഴ്ച ആയതിനാൽ തന്നെ എനിക്കിന്ന് സ്കൂളിൽ ക്ലാസുകൾ ഒന്നും തന്നെയില്ല.എനിക്കിന്ന് ക്ലാസ്സില്ലെങ്കിലും ഇന്ന് കുട്ടികളുടെ ക്ലാസ് കണ്ടു വിലയിരുത്തുന്നതിനായി ഞങ്ങളുടെ ജനറൽ സബ്ജക്റ്റിലെ ടീച്ചർ ആൻസി മിസ്സ് ഞങ്ങളുടെ സ്കൂളിൽ എത്തിയിട്ടുണ്ട്. 

പട്ടം ഗേൾസിലെ ഒരു മലയാള അധ്യാപകൻ ഞങ്ങളെ പിറകെ നടന്ന് കുറ്റം കണ്ടുപിടിക്കുകയാണ്.അയാളുടെ കൈകടലൊണം ഞങ്ങൾ ചെയ്യാത്ത കുറെ തെറ്റുകൾ ഞങ്ങളുടെ മേൽ ആരോപിക്കപ്പെട്ട ഇന്ന് ഞങ്ങൾക്ക് വേണ്ടി പ്രത്യേകം മീറ്റിംഗ് നടത്തി.മാത്രവുമല്ല ഞങ്ങളുടെ കോളേജിൽ നിന്നും ക്ലാസ് ഒബ്സർവേഷന് വേണ്ടി ആൻസി മിസ്സ് എത്തിയപ്പോൾ അവരോടും ഞങ്ങളെപ്പറ്റി തെറ്റായ ആരോപണങ്ങൾ ഉന്നയിച്ച് അദ്ദേഹം സംസാരിച്ചു.വളരെ വിഷമമുണ്ടാക്കുന്ന ഒരു കാര്യം തന്നെയായിരുന്നു അത്.ആൻസിസ് ചെന്ന് പറഞ്ഞിട്ട് ആകണം ഇന്ന് ഉച്ചയോടു കൂടി ഞങ്ങളുടെ പ്രിൻസിപ്പൽ ബെനഡിക്റ്റ് സർ ഞങ്ങളെ കാണാൻ വേണ്ടി എത്തി.

ആത്മവിശ്വാസം കൈവിടാതെ നന്നായി പഠിപ്പിക്കുവാൻ ഞങ്ങൾ ഉപദേശിച്ചുകൊണ്ട് അദ്ദേഹം മടങ്ങി.

03/08/2022

 മഴ അതിൻറെ എല്ലാ ശക്തിയോടും കൂടി പെയ്ത്ത് തുടരുകയാണ് ആയതിനാൽ തന്നെ ഇന്നും അവധിയാണ്.ബുധനാഴ്ച ലഭിക്കേണ്ടിയിരുന്ന എൻറെ ഒരു ക്ലാസ് അങ്ങനെ ഇവിടെ നഷ്ടപ്പെടുകയാണ്.😟

02/08/2022

 മഴ തകർത്തു പെയ്യുന്നതിനാൽ തന്നെ സുരക്ഷ മുൻനിർത്തി ഇന്ന് എല്ലാ വിദ്യാഭ്യാസ സ്ഥാപനങ്ങൾക്കും പ്രൊഫഷണൽ കോളേജുകൾക്കും പൊതു അവധിയായി കലക്ടർ പ്രഖ്യാപിച്ചു.

01/08/2022- 13 th day

 ഇന്ന് തിങ്കളാഴ്ചയാണ്. വരുന്ന തിങ്കളാഴ്ച മുഹറത്തിന്റെ അവധിയാണ്. അതിന് അടുത്ത തിങ്കളാഴ്ച സ്വാതന്ത്ര്യ ദിനത്തിൻറെ അവധിയും. ചുരുക്കിപ്പറഞ്ഞാൽ എനിക്കിനി എട്ടാം ക്ലാസിലേക്ക് ഒന്നോ രണ്ടോ ക്ലാസ്സുകൾ കൂടി കിട്ടും അത്രതന്നെ.അവർക്ക് ഓണപ്പരീക്ഷയ്ക്ക് ആദ്യത്തെ രണ്ട് പാഠഭാഗങ്ങളാണ് ഉള്ളതെങ്കിലും മൂന്നാമത്തെ പാഠഭാഗം കൂടി പൂർത്തിയാക്കിയ ശേഷം മാത്രമേ ടീച്ചിംഗ് പ്രാക്ടീസ് കഴിഞ്ഞ് പോകാവൂ എന്നാണ് ഇവിടത്തെ അധ്യാപിക പറഞ്ഞിരിക്കുന്നത്.ഒബ്സർവേഷൻ നടത്തുന്നതിനായി ഞങ്ങളുടെ കോളേജിൽ നിന്നും ടീച്ചർ വരുമല്ലോ എന്നോർത്ത് ഞാൻ രണ്ടാമത്തെ പാഠഭാഗം പെൻറിംഗ് ഇട്ടശേഷം മൂന്നാമത്തെ പാഠഭാഗമാണ് പഠിപ്പിച്ചു തുടങ്ങിയത്.

കാരണം രണ്ടാമത്തെ പാഠഭാഗം വളരെ ചെറുതും എന്നാൽ മോഡലും ചാർട്ടും ആക്ടിവിറ്റിയും ഐസിടിയും വളരെ നന്നായി നൽകാൻ പറ്റിയതുമായ ഒരു പാഠഭാഗമാണ്. പക്ഷേ ഞാൻ അറിഞ്ഞിരുന്നില്ല തുടരെത്തുടരെയായി വരുന്ന ഈ അവധി ദിനങ്ങൾ എന്നെ കുഴപ്പത്തിലാക്കുമെന്ന് .ടീച്ചിംഗ് പ്രാക്ടീസിനെ പറ്റി സംസാരിച്ച സമയത്ത് തന്നെ ഞാൻ ആകെ എത്ര ദിവസം ഞങ്ങൾക്ക് പഠിപ്പിക്കാൻ അവിടെ ലഭിക്കും എന്നതിന് കണക്കുകൂട്ടിയിരുന്നു. മാത്രവുമല്ല അവിടത്തെ ടൈംടേബിൾ കിട്ടിക്കഴിഞ്ഞശേഷം പിന്നീട് പാഠഭാഗവുമായി ചേർത്ത് ഓരോ പീരിയഡും കവർ ചെയ്യേണ്ട പോഷൻസ് ഞാൻ തയ്യാറാക്കിയിരുന്നു. എൻറെ കണക്കുകൂട്ടലുകൾ തെറ്റിച്ചുകൊണ്ട് സംഭവിച്ചത് എന്തെന്നാൽ തിങ്കളാഴ്ചകളിൽ വരുന്ന അവധി ദിനത്തിന് പകരമായി ശനിയാഴ്ചകളിൽ പ്രവർത്തി ദിനം ആയിരിക്കുമെന്ന് ഞാൻ കണക്കുകൂട്ടി പക്ഷേ ഗവൺമെൻറ് അവധി ദിനങ്ങൾക്ക് പകരമായി പ്രവർത്തനങ്ങൾ ശനിയാഴ്ചകൾ കടമെടുത്തുകൊണ്ട് നൽകിയില്ല.അതുകൊണ്ടുതന്നെ എൻറെ പ്ലാനിങ്ങുകളെല്ലാം വെള്ളത്തിലായി.😓