ഒരു ദിനം കൂടി ...

        ഇന്ന് ഓൺലൈൻ ക്ലാസ്സുകളുടെ അവസാന ദിനം എന്ന് തന്നെ പ്രതീക്ഷിക്കാം.കാരണം തിങ്കളാഴ്ച മുതൽ നേരിൽ കാണാം എന്ന രീതിയിൽ തന്നെയാണ് ഇന്നത്തെ അധ്യാപകരെല്ലാം സംസാരിച്ചത്. ഇന്നത്തെ എൻറെ ബ്ലോഗെഴുത്തുകൾക്ക് നിറം പകരാം എന്ന് ഞാൻ വിചാരിച്ചു...പാർവതിയുടെ യുടെ വർണാഭമായ അക്ഷരങ്ങൾ കണ്ണുകളിലും അതുപോലെ മനസ്സിലും ഉടക്കി , അതിനാൽ തന്നെയാണിത്...

പതിവുപോലെ നല്ല ചിന്തയോടെ കൂടി , പ്രാർത്ഥനയോടുകൂടി ഇന്നത്തെ ക്ലാസ് ആരംഭിച്ചു.ഷൈനി ടീച്ചറുടെ ഓപ്ഷണൽ സബ്ജക്ട് ആയിരുന്നു ആദ്യം.

Hardship often prepare ordinary people for an extra ordinary destiny...

The pessimists sees difficulty in every opportunity. The optimist sees opportunity in every difficulty.

 

-Persuasion

-Deception

     ഈ രണ്ടു വാക്കുകളും ആയിരുന്നു ഇന്ന് ഞങ്ങൾ  vocabulary section  ഇൽ പഠിച്ചത്.തുടർന്ന് സയൻസ് ആൻഡ് ഫംഗ്ഷൻ ഓഫ് സയൻസ് എന്ന വിഷയത്തിൽ  ഇന്നലെ നിർത്തിയിടത്തു നിന്നും  ക്ലാസ് ആരംഭിച്ചു...

    അടുത്ത ക്ലാസ് ഫിസിക്കൽ എഡ്യൂക്കേഷൻ ആയിരുന്നു... PT യ്ക്ക് വേണ്ടി സമയം മാറ്റി വെക്കപ്പെടുന്നു എന്നറിഞ്ഞപ്പോൾ  ആകാംഷ തോന്നി.എൻറെ ഓർമ്മയിൽ ഏഴാംക്ലാസിന് ഇപ്പുറം  ഇതുവരെ ഗ്രൗണ്ടിൽ ഇറങ്ങി കളിച്ചിട്ടില്ല.!!☹️☹️🤪

   പണ്ട് കൂട്ടുകാരോട് ഒത്ത്  ഒളിച്ച് കളിച്ചത് അല്ലാതെ മറ്റൊരു കളിയും എനിക്കറിയില്ല താനും ...ബാഡ്മിൻറൺ ,ഷട്ടിൽ ,ഹാൻഡ് ബോൾ അങ്ങനെ ഒന്നും തന്നെ ഞാനിതുവരെ കളിച്ചിട്ടില്ല...എന്തായാലും ഞാൻ ആകാംക്ഷയോടെ കാത്തിരിക്കുകയാണ്.എന്തെന്നാൽ പത്ത് വർഷങ്ങൾക്ക് ശേഷമാണ് ഞാൻ വീണ്ടും  PT period  ഇൽ ഗ്രൗണ്ടിൽ ഇറങ്ങാൻ പോകുന്നത്... 

     പിടി സാറിനെ ഞാൻ ആദ്യമായാണ് കാണുന്നത്.അദ്ദേഹം  കൂട്ടുകാരോട് കഴിഞ്ഞ ക്ലാസുകളെ വിലയിരുത്തി നല്ലതും മോശവുമായ അഭിപ്രായങ്ങൾ ചോദിച്ചറിഞ്ഞു.ശേഷം ഓണം യോഗയിലെ പ്രാണായാമം ചെയ്ത്ക്ലാസ് അവസാനിപ്പിച്ചു.അതും എൻറെ ആദ്യ അനുഭവം ആയിരുന്നു ഞാൻ ഇതുവരെ യോഗ ചെയ്തിട്ടില്ല.

  

       ആൻസി ടീച്ചറുടെ ആയിരുന്നു അടുത്ത് ക്ലാസ് .വളരെ നല്ലൊരു interactive session തന്നെയായിരുന്നു അത്... പഠനം കൂടുതൽ ഫലപ്രദമാക്കാൻ ടീച്ചർ ഞങ്ങൾക്ക് വീഡിയോ കാണിച്ച് തരികയും ചെയ്തു... കുട്ടികളിലെ ഡെവലപ്മെൻറ് സ്റ്റേജ് പഠിച്ചപ്പോൾ  നമ്മളും  അതൊക്കെ കടന്ന് ആണല്ലോ വന്നത് എന്ന് ഞാൻ ചിന്തിച്ചു...

ഒടുവിലിതാ ഇന്നത്തെ ക്ലാസ് കഴിയുകയാണ്..ഉടനെ തന്നെ ഒരു ഒന്നിച്ചു കൂടുതൽ ഉണ്ടാകും എന്ന് പ്രതീക്ഷിച്ചു കൊണ്ട് ക്ലാസ് അവസാനിപ്പിച്ചു...കാത്തിരിക്കാം , ഒരു നേർക്കാഴ്ചയ്ക്കായി❤️✍️👄

❤️ പ്രതീക്ഷയുടെ രണ്ടാംദിനം😊

             ഇന്നലെ കൂട്ടുകാരുടെ ബ്ലോഗ് സന്ദർശിച്ച ഞാൻ ഒരുപാട് സന്തോഷിച്ചു.അവരുടെ എഴുത്തിടങ്ങളിൽ ഞാനും ഇടം നേടിയിരിക്കുന്നു...എൻറെ ചിത്രത്തോടൊപ്പം കുറിച്ച വരികൾ വായിച്ച്, സ്വയം സംതൃപ്തി അടഞ്ഞു എന്ന് തന്നെ പറയാം..😀അല്പം നർമ്മം കലർത്തി പറഞ്ഞതാണെങ്കിലും അതുതന്നെയായിരുന്നു സത്യം... ഇന്നലത്തെ ക്ലാസിലെ അനുഭവങ്ങൾ കൊണ്ട് തന്നെ  വളരെ പ്രതീക്ഷയോടെ കൂടി ഇന്നിതാ മറ്റൊരു  ഓൺലൈൻ ക്ലാസ്സ് കൂടി ആരംഭിക്കാൻ പോവുകയാണ് എൻറെ മനസ്സ് പറഞ്ഞുകൊണ്ടേയിരുന്നു.. 17 പേർ ചേർന്ന എം എസ് സി ഓൺലൈൻ ക്ലാസ്സുകളിൽ നിന്നും വ്യത്യസ്തമായി 100 പേരും അധ്യാപകനും ചേർന്ന് 101 പേരടങ്ങുന്ന ഓൺലൈൻ ഫ്ലാറ്റ്ഫോം എന്നെ ഒത്തിരി ആകാംക്ഷയിൽ ആക്കിയിരുന്നു.

   “If You Can't Fly Then Run, If You Can't Run Then Walk, If You Can't Walk Then Crawl, but Whatever You Do You Have to Keep Moving Forward.” 

എത്ര മനോഹരമായ വാചകം!!! ഈ മനോഹരമായ ചിന്തയിലൂടെയാണ് ഇന്ന് ക്ലാസ്സ് തുടങ്ങിയത്... പാർവ്വതി ഇത്  പറയുമ്പോൾ ഞാൻ എന്നിൽ തന്നെ നോക്കുകയായിരുന്നു... എനിക് എൻ്റെ
പരിമിതികൾക്കുള്ളിൽ ഇനിയും ഇനിയും നേടാൻ പറ്റില്ലേ?? പക്ഷേ ഞാൻ അതിനു  തയ്യാറാകാതിരുന്നിട്ടല്ലെ... ഒരു പോസി്റീവ് ചിന്തയോട് കൂടി ഞാൻ എൻ്റെ ദിനം തുടങ്ങുകയാണ്... നന്ദി പാർവതി❤️

          ഷൈനി ടീച്ചർ എന്നെ പരിചയപ്പെട്ടു . Subject എന്നെ പരിചയപ്പെടുത്തി... രണ്ട് പുതിയ English വാക്കുകൾ കൂടി പാർവതിയി ലൂടെ പഠിചു കഴിഞ്ഞ് ഞങ്ങൾ ഞങ്ങളുടെ subject ലേക് കടന്നു.

                         Perseverance

                            Prejudice

                 Education and it's functions എന്ന topic ഇൽ ഞങ്ങളുടെ ഓപ്ഷണൽ ക്ലാസ്സ്  തുടങ്ങി. എൻറെ ആദ്യത്തെ ഓപ്ഷണൽ ക്ലാസ് ആണെന്ന് പ്രത്യേകം പറയേണ്ടതില്ലല്ലോ... കൂട്ടുകാർക്കിടയിൽ എന്നോടൊപ്പം അഡ്മിഷൻ എടുത്ത ഷഹനയെ ഞാൻ തിരക്കി.. ആ കുട്ടിയെ ഗൂഗിൾ മീറ്റിൽ കണ്ടില്ല... ഇനി ക്ലാസ് തുടങ്ങിയത് അറിഞ്ഞിട്ടുണ്ടാവില്ലെങ്കിലോ??! ഞാൻ അയാൾക്ക് പേഴ്സണലായി മെസ്സേജ് ഇടാൻ വാട്സ്ആപ്പ് ലേക്ക് ഒന്നു പോയി...

               നിർഭാഗ്യമെന്നു തന്നെ പറയട്ടെ  ഞാൻ ഗൂഗിൾ മീറ്റിൽ നിന്നും പുറത്തായി...😶😶 അതേസമയത്തുതന്നെ ടീച്ചർ എൻറെ പേര് വിളിക്കുകയും ചെയ്തു...( " ഞാൻ എവിടെ പരിപാടി അവതരിപ്പിച്ചാലും ഇതാണല്ലോ ഈശ്വരാ"🤪) തിടുക്കപ്പെട്ട് മീറ്റിലേക്ക് കയറാൻ നോക്കിയിട്ട് നടക്കുന്നുമില്ല.. ഒടുവിൽ ഒരുവിധം തിരികെ കയറി... ചെറുതായൊന്ന് പേടിച്ചു.. ആദ്യ ദിനത്തിലെ ക്ലാസ് തന്നെ അബദ്ധം പറ്റിയ തോർത്ത്... എന്തായാലും അല്പം കഴിഞ്ഞ് ഷഹന ക്ലാസ്സിലെത്തി..

            ക്ലാസിനിടയിൽ റഫറൻസ് ബുക്കുകളുടെ പേര് ടീച്ചർ പറഞ്ഞപ്പോൾ അവയെപ്പറ്റി ഒന്നും ഇതുവരെ കേട്ടിട്ടില്ലാത്ത വിഷമത്തിലായിരുന്നു ഞാൻ... ഒരിക്കൽ കൂടി ഞാൻ മനസ്സിലോർത്തു, ug, pg ക്ലാസ്സുകളിൽ നിന്നും വളരെ വ്യത്യസ്തമായ മറ്റൊരു തലത്തിലേക്ക് ആണ് ഞാൻ ഇപ്പോൾ നിൽക്കുന്നത്... ഇവിടെ പരിചിതമായതും അപരിചിതമായതും ഒരുപാട് ഉണ്ടായേക്കാം.. അപരിചിതമായതിനെ പരിചയപ്പെടുത്തി എടുക്കലാണ് എൻറെ ചുമതല...😊🌞

           -Intellectual function is one of the main function of science-

അടുത്ത ക്ലാസ്സ് ആൻസി ടീച്ചറുടെ ആയിരുന്നു.. വളരെ നല്ല interactions ലൂടെ developmental psychology ഇൽ ക്ലാസ്സ് നടന്നു.

 

          മായ ടീച്ചറുടെ അടുത്ത philosophy ക്ലാസ്സിൽ ഓൺ ലൈൻ , ഓഫ്‌ലൈൻ ക്ലാസുകളുടെ നേട്ടവും കോട്ടവും ഒരിക്കൽകൂടി വിലയിരുത്തുകയുണ്ടായി.എല്ലാ ക്ലാസ്സുകളും തീർത്തും വ്യത്യസ്തമായതും താല്പര്യമുളവാക്കുന്നവയുമായിരുന്നു...

Asatoma Sad-Gamaya
Tamaso Maa Jyotir-Gamaya
Mrytyor-Maa Amritam Gamaya

                                      ❤️

തുടക്കം ഓൺലൈനിലൂടെ...

         ഞാനും  ഒരു  അധ്യാപികയാകാൻ  തയ്യാറെടുക്കുകയാണ്. ഇന്നാണ് അതിന് തുടക്കം കുറിച്ചത്. ഒരു പരിചയവും ഇല്ലാത്ത തിയോഫിലസ് ലേ പടവുകൾ കയറിയപ്പോൾ മനസ്സാകെ  കലുഷിതമായിരുന്നു...കൂടെ പഠിച്ചവർ ആരെങ്കിലും ഉണ്ടായിരുന്നെങ്കിൽ എന്ന്  ആഗ്രഹിച്ചു പോയി...ഇതു വരെ പഠിച്ച അന്തരീക്ഷത്തിൽ നിന്നും വളരെ വ്യത്യസ്തമായ മറ്റൊരു അന്തരീക്ഷത്തിലേക്ക് ഇതാ കാലെടുത്തുവെക്കുന്നു... 

           ... പക്ഷേ മനസ്സിലെ ആവലാതി കൾക്ക് പരിഹാരമെന്നോണം നിറഞ്ഞ പുഞ്ചിരിയോടെ  മനസ്സറിഞ്ഞ് സംസാരിച്ച തിയോഫിലസ് ലെ  ഒരുപിടി അധ്യാപകർ എനിക്കാശ്വാസമായി  .

      അഡ്മിഷൻ എടുത്ത ദിവസം അഡ്മിഷൻ പ്രക്രിയകൾ പൂർണ്ണമാകാൻ വൈകിയതിനാൽ തന്നെ അന്നേ ദിവസത്തെ ക്ലാസിൽ പങ്കെടുക്കാൻ സാധിച്ചിരുന്നില്ല. പ്രതീക്ഷയോടെ പിറ്റേദിവസം കോളേജിൽ എത്തിയപ്പോൾ അറിഞ്ഞത് നിരാശ നിറഞ്ഞ ഒരു വാർത്തയായിരുന്നു... മനുഷ്യൻ കൊതിക്കുന്നു , ദൈവം വിധിക്കുന്നു ; എന്നാണല്ലോ. ! 

       എന്തായാലും എൻറെ തുടക്കം ഓൺലൈൻ ക്ലാസ്സിലൂടെ ആകാനായിരുന്നു  ദൈവം വിധിച്ചത്. അങ്ങനെ എൻറെ ആ ഓൺലൈൻ ദിനം ഇന്നായിരുന്നു . 

        ജോജു സാറിൻറെ ടെക്നോളജി ക്ലാസ്സിലൂടെ ഈ ബിഎഡ് അധ്യയനവർഷം ഞാൻ തുടക്കമിടുകയാണ്. കൂട്ടത്തിൽ അദ്ദേഹം എന്നെ മറ്റ് കൂട്ടുകാർക്ക് പരിചയപ്പെടുത്തുകയും എന്നെക്കൊണ്ട് ഒരു പാട്ടു പാടിക്കുകയും ചെയ്തു. ഒത്തിരി സന്തോഷത്തോടെ പുതിയൊരു  ചുവടുവെപ്പ് ഇവിടെ തുടങ്ങുകയാണ്.

              

        ക്ലാസ്സിൽ സാറിൻറെ ചോദ്യങ്ങൾക്ക് മറുപടി പറയാൻ മത്സരിക്കുന്ന കൂട്ടുകാർ എന്നെ അത്ഭുതപ്പെടുത്തി... എത്ര ഊർജ്ജസ്വലരാണ് എല്ലാവരും!! അങ്ങനെ ഞാനും അവരിലൊരാളായി മാറാൻ  ശ്രമിക്കുകയാണ്... വളരെ മനോഹരമായ ഒരു കഥയോടു കൂടി നല്ലൊരു ശുഭചിന്തയോടും ശുഭപ്രതീക്ഷകളോടുംകൂടി സാറിൻറെ ക്ലാസ് അവസാനിച്ചു... 

        ജിബി ടീച്ചറെ ക്ലാസിന് ആയി കാത്തിരുന്ന സമയം ഫോണിലെ വാട്സാപ്പിൽ സന്ദേശങ്ങൾ നിറയുകയായിരുന്നു.. പാട്ട് മനോഹരം എന്ന്  പുതിയ കൂട്ടുകാർ പറഞ്ഞപ്പോൾ സന്തോഷം അടക്കാൻ കഴിഞ്ഞില്ല... 😍

        ചില സാങ്കേതിക കാരണങ്ങളാൽ ജിബി ടീച്ചർ ഞങ്ങളെ ഒരു വർക്ക് ഏൽപ്പിച്ചു ക്ലാസ് അവസാനിപ്പിച്ചു... വളരെ മനോഹരമായ ഒരു വർക്ക് എന്ന് തന്നെ പറയണം...നഴ്സറി മുതൽ ഇങ്ങ് ബിഎഡ് വരെ നമ്മുടെ പഠന കാലഘട്ടം വന്നു നിൽക്കുമ്പോൾ , ഇക്കാലമത്രയും നമ്മളേവരും കണ്ടറിഞ്ഞ അധ്യാപകരിൽ; നമുക്ക് ഏറ്റവും പ്രിയപ്പെട്ട സ്വഭാവഗുണങ്ങൾ ഉൾക്കൊള്ളുന്ന 3 അധ്യാപകരെപ്പറ്റി എഴുതുവാൻ വേണ്ടിയായിരുന്നു അത്...  കൂട്ടത്തിൽ ടീച്ചർ ഒന്നു കൂടി ചേർത്തു പറഞ്ഞു നിങ്ങൾക്ക് ആ അധ്യാപകരെ വിളിച്ച് ഈ വർക്ക് കാണിക്കാം നിങ്ങളുടെ എഴുത്തിലൂടെ അവർ നിങ്ങളുടെ മനസ്സുകളിൽ എത്രത്തോളം  ശക്തമായി നിലയുറപ്പിച്ചിരിക്കുന്നു എന്നവർക്ക് മനസ്സിലാക്കുകയും ചെയ്യാം.. അതെന്നെ ഒരുപാട് സന്തോഷിപ്പിച്ചു... അങ്ങനെ എൻറെ ആദ്യ ബിഎഡ് ദിനം ശുഭ പ്രതീക്ഷകളോടെ അവസാനിക്കുകയാണ്....

    

        മനസ്സിൽ വായനയുടെ  പ്രാധാന്യം  ബോധ്യപ്പെടുത്തി, വായിക്കണം

 ഇനിയുമിനിയും എന്ന വായനയുടെ വിത്തുപാകി കൊണ്ട് ക്ലാസ് അവസാനിപ്പിച്ച ജോജോ സർ,  കുഞ്ഞുണ്ണി മാഷിൻറെ ഈ വരികൾ കൂടി ഓർമ്മപ്പെടുത്താൻ മറന്നില്ല ,

       " വായിച്ചാലും വളരും വായിച്ചില്ലേലും വളരും ... വായിച്ചു വളർന്നാൽ വിളയും വായിക്കാതെ വളർന്നാൽ വളയും... "

    അതെ നമുക്കും വായിച്ചു വളരാം ചിന്തിച്ചു വിവേകം നേടാം....

        

എൻറെ ചിതറിയ ചിന്തകൾക്ക് ഇവിടെ വിരാമമിടുന്നു, 

.. ശുഭപ്രതീക്ഷയോടെ❤️