ഇന്ന് ബുധനാഴ്ച ആയതിനാൽ തന്നെ ഒൻപതിനും എട്ടിനും എനിക്ക് ക്ലാസ് ഉണ്ടായിരുന്നു. ഉച്ച കഴിഞ്ഞുള്ള ക്ലാസ് വളരെ നഷ്ടം തന്നെയാണ്. കാരണമെന്തെന്നാൽ വെറും അര മണിക്കൂർ മാത്രമാണ് ഒരു പിരിയഡ് ഉണ്ടാക്കുക. സാരമില്ല. എന്നാലും കിട്ടുന്നുണ്ടല്ലോ. ഒമ്പതാം ക്ലാസ്സുകാർ മലയാളം മീഡിയം ആയതുകൊണ്ട് തന്നെ അവർക്ക് പെട്ടെന്ന് പാഠഭാഗം എടുക്കാൻ കഴിയും എന്നാണ് ഞാൻ വിചാരിച്ചിരുന്നത്. പക്ഷേ നിർഭാഗ്യം എന്ന് പറയട്ടെ അവർക്ക് മലയാള അക്ഷരം എഴുതാൻ പോലും അറിയില്ല അതുകൊണ്ടുതന്നെ നോട്ട് ഞാൻ ബോർഡിൽ എഴുതി ഇട്ടു കൊടുക്കാറാണ് പതിവ്. ഞാനും കരുതി എന്തിനാണ് ഓടി പാഞ്ഞ് പാടം തീർത്തിട്ട് അവർക്ക് മനസ്സിലാകുന്ന രീതിയിൽ പതിയെ തന്നെ പോയാൽ മതി. എട്ടാം ക്ലാസുകാർക്ക് വളരെയധികം പാഠഭാഗം പൂർത്തിയാക്കാൻ ഉണ്ട് . എല്ലാം കൂടി ബാലികേര മല തന്നെ.
നാളെ ചാന്ദ്രദിനമാണ് അതിനോടനുബന്ധിച്ചുള്ള ഒരുക്കങ്ങളിലാണ് ഞങ്ങൾ .
No comments:
Post a Comment