രാവിലെ എനിക്കായിരുന്നു ഡിസിപ്ലിൻ ഡ്യൂട്ടി ലഭിച്ചിരുന്നത് അതുകൊണ്ടുതന്നെ കൃത്യം 8:30ന് സ്കൂളിൽ എത്തി. രാവിലെ വരുന്ന കുട്ടികൾ കൂട്ടംകൂടി ഗ്രൗണ്ടിൽ നിൽക്കാതെ അവരെ ക്ലാസുകളിലേക്ക് അയക്കേണ്ട ചുമതലയും കൊച്ചു കുട്ടികൾ ആഹാരം വാങ്ങാനായി വരുമ്പോൾ ഓടി വീഴാതെ നോക്കേണ്ട ചുമതലയുമായിരുന്നു എനിക്ക് . രാവിലെ വന്ന കുട്ടികളെല്ലാം എന്നെ കണ്ട് ഗുഡ്മോണിങ് എന്ന് അഭിവാദ്യം ചെയ്ത് ചിരിച്ചുകൊണ്ട് കടന്നുപോയപ്പോൾ ഒത്തിരി സന്തോഷം തോന്നി.രണ്ടാം ക്ലാസുകാർ എന്നെ തിരിച്ചറിയുകയും അടുത്തുവന്ന് കുശലം ചോദിക്കുകയും ചെയ്തപ്പോൾ എന്തെന്നില്ലാത്ത സമാധാനം. രണ്ടുദിവസം അവരുടെ ക്ലാസ്സിൽ ചെന്നപ്പോൾ അവർ എന്നെ ഓർത്തിരിക്കുന്നുണ്ടല്ലോ എന്നൊരു ആശ്വാസം. എനിക്ക് ക്ലാസുകൾ ഒന്നും തന്നെയില്ല പക്ഷേ ഉച്ചയ്ക്കും വൈകുന്നേരവും ഡ്യൂട്ടി ഉണ്ട് . ഉച്ചഭക്ഷണം വിളമ്പുന്നത് വളരെ സന്തോഷമുള്ള ഒരു കാര്യമാണ് കാരണം എല്ലാ കുട്ടികളെയും കാണാൻ സാധിക്കും അത് മാത്രമല്ല അവരെ ഭക്ഷണകാര്യത്തിൽ സഹായിക്കാനും .അതെപ്പോഴും വിലപ്പെട്ടതാണ് അന്നം കൊടുക്കുന്നവരെ ആരും മറക്കില്ല അതൊരു വിശ്വാസമാണ്.
No comments:
Post a Comment